сауытты танк техникасын эвакуациялау

(Эвакуация бронетанковой техники)

танк және мотоат-қыштар бөлімшелерінің (бөлімдерінің) қарауындағы зақымдалған сауытты машиналарды ұрыс қимылдары ауданы-нан алып шығу. С.т.т.э-ға: эвакуациялауды керек ететін машинаның орны мен техникалық жағдайын анықтау, тығылған машиналарды шығару, машиналарды жөндеу орнына сүйреп не тасымалдап жеткізу кіреді. Соғыс жағдайында зақымданған машиналар жақын маңдағы таса жерлерге, зақымдалған машиналарды жинақтау пунктіне, тылға жөнелту жолдарына жеткізіледі. Бірінші кезекте ұрыс алаңынан жеңіл зақымданған, шығаруға оңай, сонан соң бөлімдердің жөндеу бөлімшелері жөндей алатын машиналар, ең соңында — қалған машиналар эвакуацияланады. С.т.т.э., әдетте, "өзіме" деген принцип бойынша, яғни өз жинақтау пункттеріне эвакуациялайды, одан құрамалардың эвакуациялық бөлімшелеріне тасымалдайды.